അക്ഷയ തൃതീയ..!!

​

അക്ഷയ തൃതീയ..!!

പ്രൊഫഷണല്‍ കോളേജുകള്‍ക്ക് വേണ്ടി എജെന്ടന്മാരുടെ  എസഎംഎസ്  വന്നു കൊണ്ടേയിരുന്നു. മോള്‍ക്ക് മെഡിസിന്‍ നു പോകണമെന്ന് കലശലായ ആഗ്രഹം. എന്ട്രന്‍സ് എഴുതാനും മടി. അല്ലെങ്കിലും പറഞ്ഞിട്ട് കാര്യമില്ലല്ലോ, ഇപ്പൊ എല്ലാം പാക്കറ്റുകളില്‍ 'മാളുകള്‍ വഴി സുലഭമെന്ന ശീലം ആണല്ലോ. 

അയാള്‍ എസഎംഎസ് എല്ലാം ഒന്ന് നോക്കി, തിരുവനന്തപുരത്തെ സ്വാശ്രയ കോളേജ്   75 ലക്ഷം. കോഴിക്കോട്ടു. ഒരു കോടി, തൃശൂരില്‍, 80 ലക്ഷം ഇങ്ങിന വിശദമായ ലിസ്റ്റ്. നിങ്ങളീ ചായ കുടിച്ചലില്ലേ ഇതേ വരെ ? 

അത് തണുത്തു പോയി ന്നു പറയാതെ അയാള്‍ പറഞ്ഞു. 

ഞാന്‍ വിഷമിച്ചു ട്ടാ., ഇപ്പൊ മൂന്നാമത്തെ പ്രാവശ്യമാ ഒരേ ചായ തന്നെ ചൂടാക്കുന്നത്. 

ഇതിപ്പോ നിങ്ങള് തല ചൂടാക്കുന്നതെന്തിനാന്നു പറയൂ...!! 

അല്ലാ, തൃശ്ശൂരില്‍ 50  ലക്ഷത്തിനു തരാന്ന് പറഞ്ഞു.

ങേ..?  ഇതെന്താ വട്ടു പിടിച്ചോ..? 

അവിടെ  മോള്‍ടെ അഡ്മിഷനു 80 ലക്ഷമാ ചോദിച്ചത്,  50 നു ശേരിയാക്കിതരാന്നു പറഞ്ഞിട്ടുണ്ട്  അതാലോചിക്കുവായിരുന്നു.

അതിനെവിടാ കാശ്..,? അവള്‍ കണ്ണ് ചുവപ്പിച്ചു. ഇനി രക്ഷയില്ല, ഓന്തിന്റെ മാതിര്യാ കണ്ണുകളുടെ നിറം മാറ്റം, അതുകണ്ടാല്‍ പിന്നെ നിശബ്ദമാകുന്നതാ ബുദ്ധി.

അയാള്‍ ആലോചനയില്‍ മുഴുകി. 

അവള്‍ വീണ്ടും ചായ ചൂടാക്കി കൊണ്ടുവന്നു. ടെ ഇനി  ഇത് പിന്നേം ചൂടാക്കാന്‍ എനിക്ക് നേരം ല്ല്യാ ട്ടോ. 

ന്നാലും മോളെ  ഡോക്ടര്‍ ആക്കാന്‍ ആര്‍ക്കാ അഗ്രഹമിഒല്ലാത്തതു. അയാള്‍ വിക്കി വിക്കി പറഞ്ഞു.

അയാള്‍ 'വിക്കു'ന്നത് കാണുമ്പോള്‍ അവള്‍ക്കറിയാം  ഹൃദയത്തില്‍ തട്ടിയ വിചാരങ്ങളാണെന്ന് . അപ്പൊ അവള്‍ പത്തി  താഴ്ത്തും . എന്തെങ്കിലും ഒരു സ്വാന്തനം പറയാതിരിക്കില്ല. 

ആട്ടെ. ഇപ്പൊ എവിടുന്നാ ഈ 50 ലക്ഷം ഉണ്ടാക്കുന്നത്. ?

അതിനു എന്തെങ്കിലും ഉണ്ടോ വിക്കാന്‍.?  

അതേയ്, നിന്റെ പേരിലുള്ള ആ പത്ത് സെന്റ്‌ വിറ്റാല്‍  ഒരു മുപ്പതു ലക്ഷം എങ്കിലും  ഉണ്ടാക്കാം, പിന്നേം വേണം !

ങ്ഹാ.. അതിനെന്തു ചെയ്യും.?  

അതിനുത്തരം പറയാന്‍ അയാള്‍ ഏറെ ആലോചിച്ചു. എങ്കിലും മടിച്ച് മടിച്ച് പറഞ്ഞു, നിന്റെ കയ്യില്‍ കുറെ സ്വര്‍ണം ഇല്ലേ?

അതീ മാലേം വളയും  ഒക്കെയല്ലേ ?  അതെല്ലാം കൂടി പെറുക്കി വിറ്റാലും വള്ളത് രണ്ടോ മൂന്ന് ലക്ഷമല്ലേ കിട്ടൂ. ഇനി അതും കൂടിയേ ഉള്ളൂ, 

നിങ്ങടെ ഒടുക്കത്തെ നോട്ടം ഇപ്പൊ അതെലാണെന്ന് എനിക്കറിയാം. കുറെ നാളായി ചൊറിയുന്നു. 

ദേ.., എന്റെ വായില്‍ ഇരിക്കുന്നതോന്നും കേള്‍ക്കണ്ട ട്ടോ. 

അയാള്‍ പിന്നേം നിശബ്ദനായി. ഇതൊന്നും അത്ര പെട്ടെന്ന് പറയേണ്ടുന്ന കാര്യം അല്ല, സമയോം  കാലോം ഒക്കെ നോക്കി വേണം പറയാന്‍. 

പാവം അയാള്‍  ചായ എടുത്ത് കുടിക്കാന്‍ ഒരു ശ്രമം നടത്തി. ഒരു രുചിയും തോന്നിയില്ല. 

അയാളുടെ ആഗ്രഹം അല്ല മുഖ്യം, മോളുടെ ആഗ്രഹമാണ്. അതെങ്ങിനെയും സാധിച്ചു കൊടുക്കേണ്ടത് ഒരച്ഛന്റെ ഉത്തരാവാദി ത്വമല്ലേ. 

അയാള്‍ പിന്നെയും വെളിയില്‍ നോക്കിയിരുന്നു.

തൊടിയില്‍ കോഴികള്‍ ഒരാവലാതിയും കൂടാതെ തീറ്റകള്‍ തിന്നും  സുന്ദരന്‍ പൂവനോടൊപ്പം കലഹിച്ചും പ്രണയിച്ചും ഒക്കെ നടക്കുന്നു. പക്ഷികളെല്ലാം രാവിലെ തന്നെ ഉഷാറായി നടക്കുന്നു. ഒരു സങ്കീര്‍ണതകളും കൂടാതെ.  എല്ലാ ആവലാതികളും ദുഖങ്ങളും സങ്കീര്‍ണതകളും മനുഷ്യനെ എല്പിച്ച്ചി ട്ട് 'ഞാനൊന്നുമറിഞ്ഞില്ലേ' എന്ന ഭാവത്തില്‍ ഇടം കണ്ണിട്ടു നോക്കുന്ന കാക്കയെ കണ്ടപ്പോള്‍ ഉള്ളില്‍ അരിശമാണ് തോന്നിയത്. 

ഇതെന്താ ഇന്ന് കുളീം ജപോം ഒന്നും ഇല്ലേ..? 

അവള്‍ അങ്ങിനെയാണ് ഓരോ മിനിറ്റിലും വന്നു, ഓരോന്നും ഓര്‍മിപ്പിച്ചു കൊണ്ടിരിക്കും. 

"

അതേയ്, അക്ഷയതൃതീയയ്ക്ക് വാങ്ങിയ    കുറച്ച് സ്വര്‍ണമില്ലേ ? അതെടുത്താല്‍ ചിലപ്പോ നമ്മുടെ കാര്യം അങ്ങ് നടന്നേക്കും."

അതും പറഞ്ഞു വെളിയിലേയ്ക്കു നോക്കി അയാള്‍ മുഖം മറച്ചു. അവള്‍ എങ്ങിനെയാ തുള്ളുന്നതെന്ന് അറിയാന്‍ പറ്റില്ല.

അവള്‍ ചീറി, അതിപ്പോ തല പോയാലും എടുക്കില്ല, ഒരു പെങ്കൊച്ച് വളര്‍ന്നു വരുന്നുണ്ടെന്നുള്ള ഓര്മ വേണം മനുഷ്യനായാല്‍. ഹും അതെങ്ങിനാ, ഈ പെഗ്ഗടിച്ചും ബിവറേജസ്സില്‍ ക്യൂ നിന്നും ങ്ങടെ ബുദ്ധിയൊക്കെ സുധീരനും ഉമ്മന്‍ചാണ്ടിക്കും കൊടുത്തപോലായി. ഇപ്പൊ വെള്ളത്തിനു പോലും നികുതി കൊടുക്കണം.  എന്താ പറയുന്നത്, എന്ന് പോലും ഓര്‍ക്കാതെ അവള്‍പൊറുപൊറുത്തു.

കുറെ നാളായി അതും മനസ്സില്‍ വെച്ചോണ്ട് നടക്കുന്നു നിങ്ങള്‍. എന്റെ തല പോയാലും അതെടുക്കില്ല. അത് ഐശ്വര്യമാണ്, അക്ഷയതൃതീയയ്ക്ക് സ്വര്‍ണം വാങ്ങിയാല്‍ എന്താ ഐശ്വര്യം എന്നറിയുവ്വോ നിങ്ങള്‍ക്ക്.?  

അയ്യോ, ഇപ്പോഴത്തെ പെണ്ണുങ്ങള്‍ക്ക് സ്വര്‍ണം ഒന്നും ഇടാന്‍ ഇഷ്ടമല്ല, ഏറിയാല്‍ ഒരു ഒരു ഡയമണ്ട് മാലയോക്കെയാ., ഫാഷന്‍. മ്മടെ മോള്‍ക്ക് ആണെങ്കില്‍ കമ്മലിടുന്നത് പോലും ഇഷ്ടമല്ല.

പിന്നെന്തിനാ ഇതൊക്കെ സൂക്ഷിച്ച് വെച്ചോണ്ടിരിക്കുന്നത്.?

പിന്നെ,  ഇപ്പൊ മൂന്നാല്  കൊല്ലമായില്ലേ വാങ്ങി വെച്ചിട്ട്? വേണേല്‍ അതീന്നു കുറച്ച് മാറ്റി  വെച്ചിട്ട് അടുത്ത അക്ഷയ തൃതീയക്ക് കുറച്ചു സ്വര്‍ണം വാങ്ങിച്ചോ, ന്നാലും ഇപ്പൊ കാര്യം നടക്കണ്ടേ..? തന്നെയല്ല, ഇതിങ്ങിനെ ലോക്കറില്‍ വെച്ചാല്‍ എങ്ങിനെയാ ഭാഗ്യം വരുന്നത്. എല്ലാവര്‍ഷവും അക്ഷയതൃതീയയ്ക്ക് വാങ്ങിയിട്ട് ലാഭം വരുമ്പോള്‍ വില്‍ക്കണം. അടുത്ത അക്ഷയ തൃതീയക്ക് പിന്നേം വാങ്ങണം അല്ലെങ്കില്‍ ഈ ഭാഗ്യം ബാങ്കിലെ ലോക്കറില്‍ ഇരുന്നു പോവില്ലേ..? , ഭാഗ്യം മ്മടെ വീട്ടില്‍ കൊണ്ടുവരണം, പിന്നെ സൗകര്യം കിട്ടുമ്പോള്‍ ലാഭോം കൊണ്ടുവരണം അങ്ങിനെയാ സ്വര്‍ണക്കടയിലെ ഗുരു പറഞ്ഞത്.

ങേ..? അങ്ങിനെയാണോ..? 

ന്നിട്ട് ഇത്രേം നാളും നിങ്ങളെന്താ പറയാതിരുന്നത്...? 

ഇത്തവണ സംഗതി ഏറ്റതുപോലെ.!

അവള്‍ ഒന്നും മിണ്ടാതെ ഉള്ളിലേയ്ക്ക് പോയി.  കുറച്ചു കഴിഞ്ഞപ്പോള്‍ 250 ഗ്രാം സ്വര്‍ണം എടുത്തു കൊണ്ട് വന്നു. ബിസ്കറ്റ് രൂപത്തില്‍ ഒപ്പം ഒരു ബില്ലും . ഏതാണ്ട് എട്ടു ലക്ഷം രൂപ. 

അയാള്‍ ഒന്ന് ഞെട്ടി.  ഇത് ലോക്കറിലല്ലേ വെച്ചിരുന്നത്..? അല്ലാ, ഗുരു എന്നോടും പറഞ്ഞായിരുന്നു, ഇത് ഭാഗ്യവും ഐശ്വര്യവുമാണ് ഭദ്രമായി വീട്ടില്‍ സൂക്ഷിക്കണമെന്ന്. 

ഉള്ളില്‍ ഉണ്ടായ നടുക്കം പുറത്ത് കാണിക്കാതെ അയാള്‍ ചിരിച്ചു.  ഉന്മേഷം തിരികെ വന്നത് പോലെ.. തണുത്ത്ആറിയ ചായ ഊതിക്കുടിച്ചു. .

 ഉടന്‍ തന്നെ സ്വര്‍ണക്കടയിലെ പരിചയക്കാരനെ ഫോണ്‍ വിളിച്ചു. വില കേട്ട് കണക്കു കൂട്ടിയപ്പോള്‍ അയാള്‍ ഞെട്ടി. 8  എട്ടുലക്ഷം രൂപ കൊടുത്ത് വാങ്ങിയ സ്വര്‍ണത്തിന് ഇപ്പോള്‍ ഏഴു ലക്ഷം തികച്ച് കിട്ടില്ല.  വില കുറഞ്ഞത്രെ.!

അയാളുടെ കോപം കണ്ടു അവര്‍ മെല്ലെ  പിന്നോട്ട് വലിഞ്ഞു. 

എങ്കിലും അയാള്‍ ഉറക്കെ പറഞ്ഞു, കണ്ടില്ലേ അക്ഷയ തൃതീയയുടെ ഐശ്വര്യം. 

അന്ന്  അറ്റാക്ക്‌ വന്നപ്പോ ആശുപത്രീലെ  ബില്ല് കൊടുക്കാന്‍ കാശില്ലാഞ്ഞിട്ടു ഇന്‍ഷുറന്സീന്നു ലോണ്‍ എടുത്ത ഒന്‍പതു ലക്ഷം അടയ്ക്കാതിരുന്നു ഇപ്പൊ അത്  പതിനാറു ലക്ഷമായി. അന്ന് ചോദിച്ചപ്പഴും ഈ സ്വര്‍ണം തരില്ലാന്നു പറഞ്ഞു .ഇപ്പൊ മനസ്സിലായില്ലേ. അക്ഷയ തൃതീയയുടെ ഐശ്വര്യം.???

അയാളെ വിറയ്ക്കുന്നുണ്ടായിരുന്നു.

അല്ലേലും പ്പോ ആശുപത്രിക്കാരും തുണിക്കടകാരും ഒക്കെയല്ലേ കാശ് തിന്നുന്നത്. ആധാരവും കയ്യില്‍ പിടിച്ചോണ്ട് വേണം ആശുപത്രീലും മറ്റും പോകാന്‍. അയാളെ സമാധാനിപ്പിക്കാന്‍ അവര്‍ പറഞ്ഞു.. 

പക്ഷെ അവള്‍ക്കും നിരാശയും ദേഷ്യം ഒക്കെ വരുന്നുണ്ടായിരുന്നു. 

നിങ്ങള്‍ക്ക് വേറെ പണി ഒന്നുമില്ലേ..? , 50 ലക്ഷം അഡ്മിഷനു, പിന്നെ അഞ്ചുകൊല്ലം പഠിക്കുന്നത്തിനു  എത്ര ലക്ഷം വേണം,? 

ഒരു എം ബി ബി എസ എടുത്താല്‍ ഇക്കാലത്ത് ഒരു പീയൂണ്‍ന്റെ വില പോലുമില്ല,  വിലയുണ്ടാകണേല്‍ പിന്നേം പഠിപ്പിക്കണം. 

ഒരു പി ജി  ക്ക് കോടികളാണ് ചോദിക്കുന്നതും കൊടുക്കുന്നതും. അതൊക്കെ തിരിച്ചു പിടിക്കണമെങ്കില്‍ എത്ര കൊല്ലം വേണം? 

എത്ര പാവങ്ങളെ പിഴിയണം, അല്ലേല്‍ തന്നെ ഇപ്പൊ ആശുപതികളൊക്കെ ബ്ലെടുകാരേം, ഗുണ്ടകളെയും മറ്റും  നിര്‍ത്തിയാ ബില്ല് മേടിക്കുന്നത്.

ഇനി മ്മടെ മോള് ഡോക്ടര്‍ ആയാലും ഇത്രേം കോടികളും  അതിന്റെ പലിശേം ഒക്കെ തിരിച്ചു പിടിക്കണമെങ്കില്‍ എത്ര കൊല്ലം വേണം? എത്ര ആയിരം രോഗികളെ പിഴിയണം,

ങ്ങക്ക് അത്ര നിര്‍ബന്ധം ആണെങ്കിലേ വല്ല ആയുര്‍വേദവും പഠിപ്പിക്ക്, ശാപം  കിട്ടുന്ന  ഈ സ്വശ്രയ  ആശുപതികളിലെ പിഴിച്ചിലിനെക്കാള്‍ ഭേദമാ,.. മര്യാദയ്ക്കുള്ള ആയുര്‍വേദത്തിലെ ഉഴിച്ചിലും പിഴിച്ചിലും . രോഗികള്‍ ഒന്ന് ചിരിക്കും.   അല്ലേല്‍ തന്നെ ഒന്ന് നോക്കിക്കേ, ഇത്രേം കോടികള്‍ കൊടുത്ത് പഠിച്ചിറങ്ങുന്ന ഇതു  ഡോക്ട റ ന്മാരാ  മര്യാദയ്ക്ക് ആസ്വദിച്ച് ജീവിക്കുന്നത്.? പണ്ടൊക്കെ അത് സേവനമായിരുന്നു. ഇപ്പൊ ബ്ലയിടും, മ്മടെ കുട്ടിക്ക് ഈ ശാപം വേണ്ട. 

ഹും, അയാള്‍ ഒന്ന് നീട്ടി മൂളി.

അപ്പൊ ഈ സ്വര്‍ണം എന്ത് ചെയ്യണം?

 ഇത് ഇപ്പൊ വിറ്റാല്‍ എത്ര കിട്ടും ?  അത് ഇന്‍ഷുറന്സീല് അടയ്ക്കു. 

അപ്പൊ സ്വര്‍ണം മുഴുവന്‍ വിറ്റു ലോണ്‍ അടച്ചാലും പിന്നെയും ഒന്‍പതു ലക്ഷം കടം ബാക്കി ആയല്ലോ..?  നിങ്ങള്ക്ക് കച്ചോടത്തില്‍ ഒത്തിരി ലാഭം ഉണ്ടായതല്ലേ..? ഇതെങ്കിലും ഒരു നഷ്ടത്തിന്റെ കണക്കില്‍ അങ്ങോട്ട്‌ എഴുതി ഇട്. ഹല്ലാ പിന്നെ. 

ഈറനണിഞ്ഞ കണ്ണുകള്‍ എന്നെ കാണാതെ  തുടച്ച് അവള്‍ അകത്തേയ്ക്ക് പോകുമ്പോള്‍ വിളിച്ചു പറഞ്ഞു,  

ങ്ഹാ, ഇനി എന്തായാലും ,  മ്മക്ക്  ഈ 'അക്ഷയ തൃതീയ യുടെ ഭാഗ്യം വേണ്ട ട്ടോ.!

**********